Умілаваныя ў Хрысце, Браты і Сёстры! Хрыстос Уваскрос! Сапраўды Уваскрос! Аллелюя!
Хрыстовая Пасха – гэта цудоўная нагода і запрашэнне для кожнага з нас яшчэ больш усвядоміць незямную глыбіню і прыгажосць хрысціянскай веры, дадзенай нам ад Бога.
Перажыванне Таямніцы Уваскрасення – гэта святкаванне перамогі Дабра над злом і Жыцця над смерцю. Гэтае Дабро і Жыццё мае Сваё Чалавечае Аблічча. Гэта Езус – Сын Божы і Сын Чалавечы, Уваскрослы і Непераможны.
Перажываючы радасць велікодных святаў, жадаю вам, каб пасланне надзеі, якое Уваскрослы Збаўца нясе ўсяму чалавецтву, апраменьвала кожны дзень жыцця святлом Божай праўды.
Няхай Хрыстос напоўніць вашы сэрцы даверам, умацуе ў іх веру і любоў, адорыць моцай і адвагай, прабачэннем і прымірэннем, еднасцю і супакоем. Няхай Божая ласка вядзе кожнага з вас шляхамі штодзённасці да хвалы будучага ўваскрасення. Няхай святкаванне Пасхі прынясе ў кожны дом і ў кожнае сэрца Божае бласлаўленне і радасць жыцця.
Са святам Вялікадня! Аллелюя!
З найлепшымі святочнымі пажаданнямі і з малітвай за вас
кс. Павел Адамовіч,настаяцель рымска-каталіцкіх парафійу гонар Найсвяцейшай Панны Марыі
ў г. Крычаве,г. Мсціслаўлі і г. Чэрыкаве.
Фото из открытых источников, носит иллюстративный характер