Уфіліяле «Гарадскі дом культуры» ДУК «Цэнтралізаваная клубная сістэма Крычаўскага раёна» прайшоў абрад «Хрэсьбіны» ў рамках падтрымкі праекта «Кожная пятніца – роднае, сваё». Гэта мерапрыемства дазволіла гледачам здзейсніць сапраўднае падарожжа ў часе і дакрануцца да глыбіннай мудрасці нашых продкаў.
«Хрэсьбіны» – гэта не проста даніна традыцыі. Гэта адзін з самых светлых і значных абрадаў беларускага народа, які сімвалізуе нараджэнне новага жыцця і прыняцце чалавека ў грамаду. Нашы продкі верылі, што гэты абрад не толькі вітае немаўля ў гэтым свеце, але і дае яму нябесную абарону, беражэ ад злых сіл і звязвае яго з родам. Менавіта таму кожны дзеянне, кожнае слова падчас абраду было напоўнена глыбокім сакральным сэнсам.
Жывая спадчына
Выдатнае ўвасабленне гэтага таінства стала магчымым дзякуючы сумесным намаганням творчых калектываў філіяла «Гарадскі дом культуры» і прадстаўнікоў старэйшага пакалення. Удзельнікі літаратурнадраматычнага гуртка «Калімена», тэатральных гурткоў «Натхненне» і «Экспромт», клуба аматараў фальклору «Народная мудрасць», гуртка ЗЛЖ «Сівыя непаседы» разам з прадстаўнікамі аддзялення сацыяльнай рэабілітацыі і абілітацыі інвалідаў і актыўнага доўгалецця РЦСАН падышлі да ўвасаблення таінства з асаблівым трэпетам і майстэрствам.
— Мы не проста развучвалі словы і рухі, — дзеліцца адна з удзельніц. — Мы імкнуліся прачуць кожную традыцыю, кожную дэталь абраду, зразумець, што адчувалі нашы бабулі і дзядулі, калі праводзілі «Хрэсьбіны». Гэта было сапраўднае пагружэнне ў вытокі нашай культуры.
Атмасфера хатняга цяпла
Удзельнікам удалося стварыць тую самую атмасферу хатняга цяпла, у якой калісьці ў беларускіх вёсках сустракалі з’яўленне немаўля. Кожны жэст, кожная песня, кожны танец былі прадуманы да драбніц, каб глядач змог адчуць сябе не проста назіральнікам, а ўдзельнікам старажытнага дзейства.
Асаблівы шарм абраду надалі фальклорныя песні і народныя танцы. Жывое гучанне беларускага слова – чыстага, багатага і мілагучнага – дадавала дзейству асаблівую глыбіню. Увесь абрад прайшоў на беларускай мове, і гэта стала адной з яго галоўных асаблівасцей. Менавіта родная мова дазволіла кожнаму гледачу адчуць сябе часткай адзінага культурнага кода, пачуць голас сваіх продкаў і зразумець, наколькі прыгожая і багатая наша родная мова.
— Калі гучыць беларуская песня, асабліва ў такім аўтэнтычным выкананні, сэрца замірае. Гэта наша памяць, наша душа, — прызналіся пасля мерапрыемства гледачы. — Дзякуй арганізатарам за тое, што вярнулі нас да вытокаў, што паказалі, якімі глыбокімі і мудрымі былі нашы продкі.
